Zomi Siamsin Kipawlna

Sanggam te,

Ei Zomi sung ah ki pawlna tuam tuam ih nei a, sepna maban zong ih nei ciat hi. Keima deihna bang hi leh Zomi min pua ki pawlna teng pen ki pumkhat liailiai leng ki lawm ka sa mah mah hi. Hih ki pawlna te sung pan in Zomi Siamsin te Awging ka sim ciang in ka lungsim sung ah thu tampi hong suak dan dan hi.

March kha 16, 2009 ni in Sitni pa Pu Chin Sian Thang leh Zomi ki pawlna tuamtuam ki muhna thu ka sim ciang in Nuamna ianpi leh Dahna lianpi zong ka nei hi. Ka Dahna pen " HIh KI MUHKHOPNA AH A KI SAM TE SUNG PAN IN MINAM A IT MAH MAH KI PAWLNA KHAT LONGAL KIKIM THEI HI" a cihna hi. Bang hang in tua minam it kipawlna pen hong ki hel ngam lo zawzen uh hiam cih ka ngaihsun zo kei hi. Hih kipawlna te ii Advisor, Consultant te kua hi mawk hiam. Paulap bel haukha mah ding uh hi.

A hi zong in tua lau ding leh lau loh ding nangawn a khen tel thei nai lo ten eimi te hong makaih suak mawk leh ei bang suak ding? Sitni pa Chin Sian Thang ìnn aa hawh lel tawh bang hong ki cih thei peuhmah ding a hiam? Dotna khat om ding hi leh a dawn theih ngap het lo ta lawm lawm uh hi zen ding hi.

Mikang te`n" A friend in NEED is a friend in DEED" a cih ka phawk mah mah hi. Kawl te in " a yipaw yin tuui kah saka piau de" cih zong hong phawksak hi. Hih zahta a hunhoih lo, hunsia, lauhuaina sung ah Pu Chin Sian Thang a panpih teeiteei gamsunga Zomi te pen Minam a ding in muanhuai takpi dinghi ka ci ngam hi. A kungdam huai sawnsawn ah hih kimuhkhopna ah ki sam na pi a, a paingam lo pen ki pawlna khat bek ( khatbek) hi a , a dang teng paingam ahih man in lungdamhuai hi.

Zomi Siamsin te pen tu tawm a hong pakta ka hi kei hi. Nung lam deuh in zong Siallum ah excursion na pai lam uh kaza hi. Siallum ih cih pen Zomi te vaang hong pia taktak a hi hi. Nitum lo gam nei te ih dona mun a hi hi. Galkap kukmpi te tawh tehtheih loh a thahat nitum ngei lo"( ni ma vuan naingan") gam a do ngam Zomi te ih hihi. Tua mun pen ih thathak lakna ding mun a hi hi.

General Ne Win hun lai in,hong khem zo lua liang a hih man in Kawlkumpi pen do vet lo ding in ki ngaih sun hi. 1988 kum in kawlgambup hong buai in multi-party system tawh hong kal suan ciang in zong Ne Win hong khemna te mah vomto lai ih hih man in NLD bang a sih panpih ngam ei Zomi tampi ki om hi. Tutna ngahpah ding in thuneihna a tawi pah dingki sa kha uh hi ding hi. A hi zong in Pasian timing pen tua bang na hi lo in a lampi dang khat hong tot ciang in tu hunteh Zonet sung na ngawn pan NLD a gensia kik lehbung khawng hong om ta hi. Khantoh na khat leh mitkeuhna khat hi.

Tuhun leitung piandan tawh ki zui in ki pumkhemhun hong bei pianpian ta hi. Zomi te zong ih gam mah pan in leitungbup tawh ki zopna ih nei thei ta hi.Ih gam mah ah University na ngawn hong om ta hi. Pilna sangpi pi zong ih sinta hi. Mi dang te tawh kikimlahna ding om zenzen lo hi. Kawlte hong nenniam lel tawh mi nuai ah a ki om ding hi tuan lo hi.

Zomi Siamsin te`n na tangthu hoih uh hong kemcing ta un. A khang a khang in ki zomsuak den ta hen. Referendum hun lai aa, na na sepzia te uh, Pu Chin Sian Thang na bawlna te uh, hangsan tak in mipi`theih dingaa a kilawmthu leh late nong gen khiat suak ding un hong han thawn ing. Zogam makai ding zong noteng mah na hi uh hi. Zogam zuun ding zong no teng mah na hi uh hi.Kuamah dang hi lo hi.Na khut sung vuah Zomi leh Zogam`mailam ding om hi. Pasian in hong tonpih den ta hen!

Hongit leh hong muang,

Pum Za Chin
Stavanger Norway

Source: ZONET

Comments (1)

...
written by mic on July 16, 2010

na sia mah mah ei zo mi siamsin te aw

report abuse

vote down

vote up

Votes: +0