Zomi Siamsin Kipawlna

INDIA

Gam;

India gam pen states tuamtuam ki gawm gam (union) hi. Gam ii thukhun pi teng lian pen gam makaipi (central goverment) in len aa, tua thukhun tungtawn in ameng, aka khia thu khun tuamtuam te pen amual a guam zui in amau state (gam keek) tek in len uh hi. India pen Union cih ding sang in Unitary gam dan khat in kalsuan zaw hi.

 

 

Gam thukhun;

Hun sawtpi kipia aa kibawl hunsawtpi aa ding gam thukhun pi khat hi in, khel ziauhziauh theih nang a haksa ding thukhunpi khat len uh hi. Tua ahih man in khel ding aa ki lawm a sak te uh leh a khel nop te uh pen,  dawlnuai nung lam thu nei (out-lwat-daw) pan in ki puak aa thunei 2 (dawltung leh dawlnuai) te in ki kum, ki nial ding uh aa seh 3 suah seh 2 in a zawh leh bek khel ding cih ahihi. Hih mahmah zong pen gam ii thukhun te pan khat hi pah hi.

Thukun kipsak na leh a let zia;

Thuken na zum laipi pen gam aa ding in a lian penpen thukhen na hi aa, hih zum aa thukhen pipa pen zakia cih te tawpsak cih te om thei ngiat lo ding aa a sih ma dong sem ding ahihi. (golh guk deih kul loh nang, za ki khiap ding te lau aa maitang et kul loh nang, ...cih te hang in sih dong sep theih na za pia uh)

Gam thukhun gilpi pen len sa in thu khempeuh khen ding aa alian pen makai pi pa zong mawh na daan pia thei hi. Tua ahih man in gam sung bup thu khempeuh zong thu sai thei in, a vang lian penpen cih theih ahihi.

 

Tang' mi;

Gami kum 21 pan a tungsiah in deihna (vote) pia thei uh aa, tang' mi pen khawkpi khat ah khat lian bek mah om sak ding cih a mau ii deih ngiat ahihi.

 

Ki uk na;

Ukpi pen dawlnuai lam thu nei (out-lwat-daw) pan in tel khia uh hi. Tua ahih man in hih ki uk na pen Parliament pai zia ahihi. 

 

Ki uk na pai zia;

Ki uk na pen dawlnuai nung leh dawltung nung in khen uh aa dawlnuai nung te pen gam keek makai ding mipi tel te hi aa kum 5 ta sep ding ahihi.

Hih mun ah pen mipi 500000 ciang makai khat ta hi in (MP khat) Dawlnuai nung MP 520 om sak uh hi. Ukpi ding leh amun zui aa thunei pi ding te pen hih MP 520 te (dawlnuai nung) in tel khia uh aa tua pen dawltung nung cih ahihi. Tua ahih man in dawltung nung sang in dawlnuai nung in thu ong nei zaw aa dawlnuai nung te pen mipi te' tel ahih man in dawlnuai nung sang zong mipi te in thu a nei zaw ong suak hi.

 

Gam viahawm napi, thu khungpi (Council of State) aki ci dawltung nung pen thu bek nei in, gam ii sum leh paai te deih bg in zek khia thei tuan lo uh hi. Dawltung nung pan mi 12 leh dawlnuai nung pan, mipi mimal phazah tung tawn aa ki tel khia makai te (state khat ah mi a tam leh tangmi tam, a tawm leh tangmi tawm) ki pawl na in dawltung nung ki tel sa te lak pan dawltung nung ah thu nei pen ding khat tel khia leuleu uh aa tua pen gam ii vice-president hi sak uh hi. (dawltung nung ah president a sem pen, gam sung ah vice president sem sak uh hi) hih zong pen kum 5 sung sep ding hun ngah sak uh hi.

Comments (0)